نَے عَقْل کی گھاٹی سے نہ تَقدِیر سے پہنچا

نَے عَقْل کی گھاٹی سے نہ تَقدِیر سے پہنچا

اِس اَوج پہ میں اِسم کی تاثِیر سے پہنچا

تارِ رَگِ جاں اور چھَنَک کاسَئہِ سَر کی

بَخشِش کے لِئے راہِ مَزامِیر سے پہنچا

ماں! کھول دے جَنَّت کے دَرِیچے کہ دَمِ مَرْگ

فَرزَند عَجَب حَسرَتِ دِلگِیر سے پہنچا

پہرا تھا کَڑا شَہر کے دَروازوں پہ جِس وَقْت

پَیغام عَدُو کو مرے اِک تِیر سے پہنچا

شَہتُوت کا رَس تھا نہ غَزالوں کے پَرے تھے

اِس بار بھی مَیں جَشْن میں تاخِیر سے پہنچا